2012an «To Say Goodbye» dokumentalari buruz hitz egin genuen, BBCk, oztopoz betetako bide baten ondoren, Donostiako Nazioarteko Zinemaldian estreinatuko zutela ziotenean.

Gaur, Basque Children of ’37* Elkarteari esker, Izar Filmsek, dokumental honen ingelesezko bertsioa datorren maiatzaren 23ra arte irekita uzteko egin duen ekimenaren berri izan dugu.

Ekimen bikaina iruditzen zaigu. Apirilean, matxinatuek eta haien aliatuek, alemaniarrek eta italiarrek euskal herriko bizntaleei egindako bonbardaketak gogoratuko ditugu. Bereziki Gernikako Bonbardaketa. Ekintza militar honek ireki zizkien Britainia Handiko ateak haur errefuxiatuei. Tragediari buruzko kazetari britainiarrek eginiko deskribapenak eta haien nazioarteko oihartzunak, bereziki George L. Steer-en kronikak, gobernu britainiar baten erresistentzia hautsi zuten azkenean, «neutraltasun» posizio batetik matxinatuen aldeko sinpatiak ztuela adierazten baitzituen. Gainera, dokumentalaren ikustaldi librea amaitu baino bi egun lehenago, maiatzaren 21ean, Britainia Handira haurren espedizioaren irteera ospatzen da.

Izaskun Arandiak ekoitzitako eta Matt Richardsek zuzendutako dokumental hau ikustea gomendatzen dugu.

Bideorako estekaz gain, Gregorio Arrien jaunak idatzitako artikulu bat utzi diegu. Berak bi ezaugarri zituen, guretzat oso maitatuak direnak: euskal aita pasionista izatea eta historiaren aztertzailea izatea, eta matxinatuen krudeltasunetik askatzeko, errefuxiatuta joan behar izan zuten euskal haurren istorioak. Duela hilabete batzuk hil zen, eta, gure oroitzapenezko artikuluan esan bezala, Gregorio Arrien hil zenean, euskaldun bat, pasionista bat, historialari bat eta patriota bat hil ziren.

To Say Goodbye TV52 from IZAR Films on Vimeo.


El exilio vasco en Gran Bretaña, 1937-1940. Gregori Arrien

*Basque Children of ’37 Britainia Handiko elkartea da, eta herrialde horretara joan ziren euskal neska-mutikoen memoria gordetzen, babesten eta zabaltzen du. Beren konpromiso, ahalegin eta entregarekin, haientzat mugak irekitzea lortu zuten eta egonaldian zaindu zituzten pertsona guztiena ere. Guk askotan hitz egin dugu haiei buruz, eta ahal dugun guztietan hitz egiten jarraituko dugu. Funtsezko lana egiten dutelako: gure oroimena gorde eta gure aurrekoak ohoratu.