Iñigo Urkullu lehendakariak Gabonetako mezua bidali dio gaur Kanpoko Euskal Komunitateari.

Beste behin ere, eta bigarrena da, COVID 19ren pandemia munduan sortzen ari den egoera korapilatsua izan da gai nagusietako bat.

Eta aurreko aldian bezala, euskaldunek munduan proiektatzen duten indarra eta energia nabarmendu ditu. Euskal Diasporaren Egunean, 2021eko irailaren 8an, argi eta garbi erakutsi zen energia eta indar bat.

Horrek erakusten du zenbaterainoko garrantzia duen gure etorkizunerako batzeak eta lan koordinatuak. Hori izan behar da munduan euskaldun gisa dugun helburu nagusietako bat. Herrialde eta komunitate gisa etorkizuna ziurtatzeko gainditu behar dugun erronka da, eta honela laburbiltzen du Lehendakariak: «Gure erronka nagusia da Euskal Komunitate global handi hori antolatzen laguntzea eta guztiontzako aukera bihurtzea».

Eusko Jaurlaritzak, munduko euskal erakunde publiko garrantzitsuena eta kontzientziatua den aldetik, funtsezko lana du proiektu horretan. Sostengu eta babes lana, protagonista nagusiei, euskal herritar guztiei, Euskal Komunitate global hori eraikitzen laguntzeko.

Ezinegonaz eta interes handiz espero dugu Lehendakariak bere mezuan aipatzen duen proiektua: “Han hemen – Basque Global Network”, munduko Euskal Komunitate osoaren artean, informazioa, ideiak, esperientziak, eskaerak edo beharrak partekatzeko plataforma digital berria”. Apustu garrantzitsua iruditzen zaigu, euskal komunitate global hori prestatzeko eta garatzeko funtsezko tresna bihur daitekeena.

Mezua, euskaldun gehienek hitz egiten duten lau hizkuntzatan bidaltzen da. Mezu horretan, gure anai-arrebek munduan duten konpromisoa eta lana nabarmentzen dira.

Baina, batez ere, eta aurrekoan bezala, konpromiso bateraturako deia da, lanean jarraitzeko eta munduko txoko guztietara iristen den euskal komunitate hau batu eta indartuko duten sareak sortzeko.

Lehendakariaren Gabonetako Mezua Kanpoko Euskal Komunitateari  (PDF)

Last Updated on Abe 22, 2021 by About Basque Country


Lagun iezaguzu aboutbasquecountry.eus mantentzen!
Help us keep aboutbasquecountry.eus running!
Ayúdanos a mantener aboutbasquecountry.eus

LEAVE A REPLY

Please enter your comment!
Please enter your name here

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.