Duela hilabete batzuk, joan den urteko urrian, The 50 Next ekitaldia nola jarri zen martxan komentatu genuen. Urtero gastronomiaren etorkizunari forma ematen dioten pertsonen zerrenda bat ezagutarazteko jaio zen.
Nazioarteko gastronomiaren onenari ematen zaion aintzatespenaren eta bultzadaren arloko protagonista berri eta interesgarri bat agertu da. Euskaldunok protagonista bikoitza dugun alorra dena.
Alde batetik, munduko gastronomiarik entzutetsuenetako baten jabe. Hori ikus dezakegu blog honetan sartu ditugun artikulu ugarietan.
Bestalde, gastronomiaren munduan protagonista eta erreferente izateko dugun gaitasunagatik:
- Unibertsitate-zentro gastronomiko bat sortzeko gai izan gara, Basque Culinary Centre, urte gutxiren buruan nazioarteko erreferente bihurtu dena.
- Urte asko daramatzagu gastronomia aintzat hartzeko zerrenden lehen postuetan, The World’s 50 Best Restaurants, esaterako.
- Munduko gastronomia sari garrantzitsuenetako bat sortu dugu: Basque Culinary World Prize. Eusko Jaurlaritzak sustatu eta Basque Culinary Centre-ek kudeatzen duen «Gastronomiaren Nobel Sari» bihurtzen ari da.
- Eta orain, The World’s 50 Best Restaurants erakundearekin batera, The 50 Next sortzen lagundu dugu. Lehen edizioa apirilaren 20an egingo da Bilbon.
Ez da harritzekoa, beraz, The World’s 50 Best-en orrian artikulu bat argitaratzea, Laura Pricek sinatua, The 50 Next saioaren lehen edizioaren hurrengo ospakizunari buruz, «Euskal Herriak sukaldaritzari emandako opari gastronomikoak» izenburupean.
Euskaldunek munduari oparitu dioten lehen mailako erreferentzien bilduma ona. Gure erreferentzia-elementuak sustatzeko politika aktibo batek, gastronomiarekin gertatu den bezala, ongi funtzionatzen duela erakusten duen beste adibide bat. Ez gara alferrik, eta halaxe aitortu beharko litzaiguke, The Culinary Nation.
The World’s 50 Best – 2021/4/9 – Britainia Handia
Gastronomic gifts the Basque Country has given the culinary world
50 Next and the Basque Country have a lot in common. Both champion gastronomy in all its forms, from the gamechanging producers at the start of the food chain to the hospitality heroes serving it up on the plate. They both also connect the big-hitters of epicureanism with the young leaders of the future as well as both celebrating innovation, transformation and entrepreneurship across the entire food and drink spectrum.
(Jarraitu) (Itzulpen automatikoa)
Last Updated on Api 21, 2021 by About Basque Country
